.......................
كويس انها جت فى شىء تافه ...
بس اللى يخادع مالوش رادع
واللى يلاوع مهما كان حلو
فطعمه فى المعاملـــة لاذع
شفنا ناس كتير والاخرة منظر
و توب الشهامة عليهم واسع
دنيا بتعلم الناس كل يوم درس
واللى ما يفهم عقله مش نافع
سنين و تعدى والوجع فيك
من حبايبك له الف دافع و دافع
بياض باهت و تحســـــــــبه ناصع
والآخر تلقاه يخــــــــــــون و ملاوع
يغدر بيـــــــــــك من أول مطــــــب
رايح كــــــــان والا راجـــــــــــع
لكن موش بذنبـــــــــك نلوم الناس
منهم توب ضيـــــق و توب واسع
غدرت مرة و تركك هـــــنا اولى
لأنك عن الغدر مــــوش راجـــــع
أكدب زى ما تحب ما راح اصدق
الكدب فى الانسان مهما عاش طابع
خلاص صحبتك انتهى الامر فيها
و عن الرجوع لك فى القلب مانع
منك لربى هو اللى شايف و سامع
سألتك سؤال بسيط وانتظرت جوابك
لكن سديت الباب و كنت موش سامع
لو قلت ما باقدر كنت اكتفيت لكنك
دست الزناد وصوت الرصاص طالع
لكن هى مرة و ماليها اخت تتكرر
انتهى دورك لان حبك موش نافع
ليست هناك تعليقات:
إرسال تعليق