بمناسبة عيد الأضحى كل عام و انتم بخير
..........................
وينها ضحكتك يا واد
كفاياك حزن كفاياك بعاد
عمال بتشكى من فراق
وانت طريق طويل فى العناد
فكها
تلقى احسن منها
هو اللى خلقها
ما خلقش زيها
دنيا و فى العباد طايحة
مالهاش عزيز و ريحتها فايحة
ما يغلبهاش الا ضحكة عند
تلقاها فى ايدك
زى العجينة سايحة
اوعاك تديها الامان
لتخونك زى زمان
هى دنيتنا كدا بايخة
ملهاش ميزان
اضحك دا النهاردة عيد
كحك و بسكوت و غريبة
حلويات زمان
لا داعيد كبير
بالخير مليان
شوربة و مرق
ولحم خرفان
لو عندك خروف
ما تبقاش ملهوف
واللى ما عندوش
ما يبقاش خروف
لتضحك عليه الدنيا
وتطلع له اللسان
يرفع ايده للسما
يلقى فى السما رحمن
يلطف بعبده
ما يبيتوش زعلان
اضحك يا واد اضحك
دا فضل ربنا غلب
فضل كل انسان ...
ليست هناك تعليقات:
إرسال تعليق