السبت، 19 مارس 2016

ابن مصر

ابن مصر ..............
..................................كاملة
اللى بنى الدنيا بلمسة حب
يملا عيون و يفرح قلب
و علم الدنيا معنى الحب 
و زرع الارض و خلق الطب
سحر عيونه حب فى حب
كلام بيقوله ير ضى الرب
يمشى يردد قلبه بيزرع
تفرح ارضه كل ما تسمع
روحه بتجرى جوا الدنيا
يفيض بالحب ثانيه بثانية
يسمع زمنه حكاية مجده
يحلف بيها ما حد يرده
جوا بلاده يبنى يعمر
يزرع شجرة و ورد منور
تغنى الطير هنا و هناك
ابن بلادى الواد الاسمر
الروح الصافية لما تعبر
تلقى الدنيا بيها تتاثر
ادى النيل ماشى منور
يجى من توشكى يحضن صحرا
تصبح خضرا تلقى المنظر
يفرح قلبك لما تفكر
تلقى الفكرة موش تتعكر
تبنى مداين تبنى قصور
تجعل مصر فى اجمل منظر
يابن بلادى تسلم ايدك
كلك حب و قلبك اخضر
تعالى ع الضفة قوام تتكلم
تهتف شعر ياد يا غضنفر
يحرس يدفع ماسك مدفع
صلاة بتنادى عمره اتاخر
يسجد يركع قلبه بيخشع
يدعى الرب عمره ما يجزع
و لا يتردد يوم و لا يرجع
اسد الحرب كيف تتصور
شق الصحرا ما يتوجع
صنع المجد دايما يبدع
شوفوا يا ولاد العلم الحر
نصر اكتوبر لمجده بيشفع
شوف ياتاريخ سجل واسمع
جوا بلادى قلب بيصنع
حبة رمل بنبضة حب
تصبح حلية كدا ولا اروع
عقل يفكر موش بيدمر
ابن بلادى اسدها المبدع
شوف يا عالم شوفى يادنيا
ابن بلادى ولد متحضر
صان العشرة دا ولد عترة
زرع الفكرة تعطيك سكر
تاخد منها فكر يعمر
موش شيطان لعمارها يفكر
والا حرامى يعمل منظر
اسال عقلك تلقى جوابه
ابن بلدنا ايد بتطـــــــــــــــــور ....
....................................
احمد المليجى ** رحلة وطن **
19/3/2016
-
التسميات: ,

ليست هناك تعليقات:

إرسال تعليق

عار

 ليست بلاد  العرب  التى :: تمنع الأذان حتى يرضى الغزاة   ولا بلاد العرب التى تدفع :: جزية للغزاة حماية لملك الطغاة  ولا بلاد العرب التى تسلم...

  • مافى قلبى أظهره
    كأنه يعلم انى افرح برؤيتك و اسعد بحديثك فهو بيارينى بخواطره و يبارزنى بهواه سبق سنه صديقى الصغير سبق سنه ما أشبه الجميل بالجميل كلمات تحوى ك...
  • عار
     ليست بلاد  العرب  التى :: تمنع الأذان حتى يرضى الغزاة   ولا بلاد العرب التى تدفع :: جزية للغزاة حماية لملك الطغاة  ولا بلاد العرب التى تسلم...
  • أمنية ثائرة
    ::::::::::::::::: برودة واحداث واقاويل مردودة وامانى لاشك منشودة خيرت بين هواك وحياتى الكئيبة وما احببت الهوى لعين عنيدة خيرت بين احلامى وث...