لسة شوية :

al3asema333@gmail.com

بلدنا محتاجة معونة ؟
ليه ؟
و الغرف اللى طول السنين دا ايه؟
اللى رايح واللى جاى عمال بيسرق
واللى ماشى واللى طالع واللى نازل
والبلد زى ما هية
على قد النهيبة و الاذية
والعصابات المفترية
والحكومة
و الثورجية
و المنظمات
والناشطين
والمصطبجية
و الجماعة و النظام و البلطجية
وكمان اللى خارج م الاصلاحية
كل دا بياخد بلا همية
و تقولوا المعونة هى هى
ورطة انقاذ دى والا ادارة عفوية
بلد مليانة بالكنوز
مليانة بالود و الحنية
من اجيال فاتت
و الاجيال اللى جاية
تروح للفلاح تقول يسرق كيماوى الجمعية
هو الكماوى له لقية
طب السوق السودا جات منين
والا كلام مصاطب
و نواعم راحت ونواعم جاية
تلات دواير ف محكمة كبيرة تبقى اتنين
اتنين اربعة ستة تمانية
خلصوا القضاة ولا لسة شوية
والا مستكلفين يجبيوا جديد
لان المركز مالوش اهمية
ومش م المنطقة المركزية
اتنين اربعة ستة تمانية
اذاعة بلدنا مية مية
ليكو حق تزعلوا
ع الفكة اللى جاية
و حاتتوقف بعد شوية
من ديوانى : رحلة وطن
.............................................................أحمد المليجى