يا ناس ياللى فوق :

al3asema333@gmail.com
.............................................................

المحكمة مادامت بتاخد بالدليل 
يبقى الكلام على عينيا 
والقاضى له له عقيدة و حرية 
لاجل يحكم بالنظام و العدل 
ودى رسالة انسانية 
لكن تيجى اليوم تمشيه عشان قضية 
تبقى مصيبة مستخبية 
وسؤال و الف منه من زيد و علية
ليه يترفع القاضى ف وسط الدور
و يروح فى بلد بعيدة
ودايرة معاها الف ومية
ممكن أكون بابالغ
لكن الحقيقة لا تتلون
ولا فيها حنية
قول شكلها مش هو
لكن هى هى
الف و مية يشهدو له
والكلام مش حكم منى
ولا خلطة من فوزية
حكم القاضى فى جلسة علنية
والطريقة هى هى
مش بتقولوا القاضى رقيبه ربنا
تبقى  العدالة انك تزيحه 
لما يحكم بالبراءة بالسوية
و الادلة تسقط عنهم و تموت القضية
اوعاك تقول لى محظورة و فول و طعمية
دى ادلة و عدالة ومرجعية
القاضى لا ينساق بالعصا
و لا له الا الضمير و الانسانية
مش دا صحيح والا
مش عدالة انتقالية
يا ناس ياللى فوق
وصلتنا الرسالة
لكن الكلام مش عشوائية
لا القضا فوضى
ولا القضاة عربجية
ولا الأحكام فهلوية
واحدة واحدة الله يخليكم
احنا مش بصمجية ....

............................................
أحمد المليجى