سكن الألم ( عامية )

اللجنة قالت واخدت قرارها

ما حد فايت الا بنظرها

لا واسطة فيها ولا محسوبية

دخلت اشوف مكانى فيها

وظيفة بس موش اللى هيه

بحثت وقالت القولة دية

فشل اختبارك و رحت ساقط

خد طريقك لواحدة تانية

خدت القرار وعملت التظلم

وانا من قلبى جوايا باتالم

كان القرار بسرعة صدر

ابعد عنها لتبقى ف خطر

قلت وظيفة دى ولا ضرر

ولا لجنة وظايف او سوق خضر

خدت الطريق لبيتنا دوغرى

لقيت جرسنا عمال يزمر

ساعة فجر كان الخطر

قلت مين موش منتظر

خدت الطريحة وبقيت هدر

بلدنا ديا ولا غابة بشر

والا وسية خواجة ايه اللى حصل

وظيفة وقلت موش عايزها

خليها يابنى للى حاجزها

عجلة ودايرة و وين اخرها

ما اعرفش فيها طعم الامل

غيرها حيرة فى قلبى مانيش عارفها

ياللى سامعنى ايه العمل

فى اللى حصل واللى جرى

يا رب انت على اللى ظلم

وخلى قلوبنا تسوى العدم

تعيش ويسكن فيها الالم

و يعشش ويسكن ويحلف ويعلن فى القسم

أنا الالم انا العدم

لى النفوذ المحترم

عايش فى القلوب من غير ندم

واللى خالف راح يتعدم