خلاص اعلنت صاحبة الجلالة
فى الناحية لكل الرجالة
فيه مزايدة و شروطها ندالة
من اللى يشترى اللى حدانا
يرفع ايديه يتكلم و كله بالعدالة
ديمقراطية من غير قوالة
الحته ميت فدان
هى ف الجنوب جنب السودان
عزبة عليك و التانية بالمجان
ادفع مقدم جنى والباقى على الف عام
قسط مريح و كله ف التمام
وحته تالتة للمدام
و ما تقوليش على التسجيل
بشرط انك سجل ف السودان
صحى عمنا عثمان
راح يشترى قال ماحلى الكلام
حتة لى والتانية للمدام
و التالتة لحسن و زهران وعلام
راح المزاد يالا يا جدعان
شروط الندالة نسيت اقول لكم
اولها التسجيل ف السودان
و التالى : البيع مش للجدعان
ولا المصرى ولا حتى رجالة الصعيد
ولا البدو بتوع زمان
طب و النوبة ملهاش كمان
والتالت : التامين هو المدام
و ف النهاية راحت الارض و راح الوطن
والدور على شعبه اللى متهان
.............................................
ليست هناك تعليقات:
إرسال تعليق