........................................
اللى فاهم نفسه حيلة يقولى
شرعية دى والا فيلم اسطنبولى
يقتل قاضى والا غفير و لا مواطن
صايم شهره ولعرضه صاين
اللى لما رفع للاسلام الرايه
خدعوا الناس وهمة ديابة
بالاسلام قا م يتكلم
ولما اتولى صبح يتبلم
فتح القصر وعمله تكية
ايشى من فول او ملوخية
كانوا فى السجن بياكلوا جراية
كانوا فى السجن يقولوا وطنية
خرجوا لبرة قالوا اسلام
قالوا صحافة و قالوا حرية
شعارنا النهضة بعلو الصوت
قالوا مش دى بصوت مكبوت
كانوا مش دين يقصدوا من يومهم
كانوا قاتلين سارقين حرامية
قال الشعب بكلمة واحدة
برا القصر جماعة حرامية
دية مصر للاشراف
رجالة من ربها دايما بتخاف
عيشوا اوهامكم يالا بعيد
مش حانعيش تحتكو يا عبيد
مرشد ايه و جماعة سلفية
فكر تطرف غشم همجية
يطلع يقتل ناس اشراف
وهدروا الدم قالوا حانخاف
كنا زمان مش بنخاف
و برضه اليوم مش حانخاف
طائر النهضة طلع حداية
و الحداية مصيرها رصاصة
قتلوا زمان الخازندار
واليوم جايين يقول الدار
والشرعية و الحرية
دى والله دعوى العار
ثورة ايه فى كلام كفار
ايه فى الدين قالك احرق
تقتل ماشى ف ضى نهار
اول طلعة شمس بيدعى
رب يارب ارزقنى و ولدى
و تنجنى من دى النار
دينك ايه مولانا قول
والا مبلم كدا على طول
الرجل الصايم قتلته لايه ؟
كان فى الدنيا عمل لك ايه ؟
شتمك مرة قال لك ايه ؟
طردك مرة من وسط الدار
شعب بلدنا يا احرار
حرك قلبك قوم بقرار
دول قتلوا مرة الخازندار
سنة ايه فى قلب شيطان
قوم يا شعب بلدنا و نادى
طلع برة كل العادى
واللى بيقتل و اللى ينادى
واللى بيفرح فى الابرار ....
...................................
من ديوانى رحلة وطن
ليست هناك تعليقات:
إرسال تعليق