والله لاعيبة

...........................

لوحة شرف معمولة

و احنا عايشين فى غيبوبة 

دم الوطن يتمص

و ينقال دى ناس بريئة

وناس تجود بالنص

و ناس هليبة

لو قلنا البلد

تبان الخيبة

منتخب يخرج عن الخط

ونقول دى ناس بريئة

تصرف فلوس يا نص

و تلاقى موجودة العيبة

و داه ياخد براءة يا جد

مع انه دبر مصيبة

مصيبة وراها مصيبة

و يتوه الناس فى الخيبة

يوم القضا بسنة

و لقمة الفقير متعابة

يبنى بيته لابنه

يخلقوله الف مصيبة

ايه العمل يا خلق

يقول لك دى ناس لعيبة

ناس تهتف بالوطن

و يقول لسارقه يابيه

و يجى الفقير م الالم

يقول له

عملت كدا ليه

يرد المغنى بهطل

وانت تطلع ايه

كلامه يحرق دم

يا ناس دا مخلوق من ايه

ماهو له سبوبة

اكتر من كدا ايه

اعلامى و كمان منافق

اكتر من كدا ايه

لاعيبة حبيبة القلب

حا يعملوا ف الوطن ايه